ဒီကနေ့ နိုဝင်ဘာလ (၂၅)ရက်နေ့မှာ ကျရောက်တဲ့ "အမျိုးသမီးများအပေါ်အကြမ်းဖက်မှုပပျောက်ရေးနေ့" အထိမ်းအမှတ်အဖြစ်အမျိုးသမီးများအပေါ်အကြမ်းဖက်မှုများကို မည်သည့်နည်းနှင့်မဆို ကိုယ်တိုင် မကျူးလွန်သလိုယင်းအကြမ်းဖက်မှုများပပျောက်ရန် ကြိုးပမ်းပါမယ်လို့ ကတိတဝတ်ပြုတဲ့
ဖဲကြိုးဖြူလှုပ်ရှားမှု့ကမ်ပိန်းမှာနယူးဇီလန်ရောက်မြန်မာတွေနဲ့မြန်မာ့အရေးလှုပ်ရှားနေတဲ့ကလေးသံမတ်တွေကမြန်မာပြည်က ကလေးသူငယ်တွေနဲ့အမျိုးသမီးတွေအတွက် ပါဝင်လှုပ်ရှားနေကြပါတယ်။
"ကျမတို့ကရန်ပုံငွေရှာတဲ့လှုပ်ရှားမှု့လုပ်နေတယ် NUG ရဲ့အမျိုးသမီးနဲ့ကလေးသူငယ်စောင့်ရှောက်ရေးဝန်ကြီးဌာနနဲ့လက်တွဲလုပ်တာပါ၊ ဒီနှစ်မှာမြန်မာပြည်မှာစိတ်ရောလူရောဒုက္ခရောက်နေတဲ့ကလေးတွေရော မြန်မာအမျိုးသမီးတွေကိုကိုယ်ချင်းစာတဲ့အနေနဲ့ဒီခရစ္စမတ်မှာ သူတို့အတွက်လက်ဆောင်ပေးနိုင်အောင်ရန်ပုံငွေရှာဖွေနေပါတယ်"လို့နယူဇီလန်ဆိုင်ရာ မြန်မာအမျိုးသမီးနဲ့ကလေးသူငယ်များကူညီစောက်ရှောက်မှု့အဖွဲ့ခေါင်းဆောင်တဦးဖြစ်တဲ့မတင်မမဦးကပြောပါတယ်။
မြန်မာပြည်မှာဒုက္ခရောက်နေတဲ့အမျိုးသမီးတွေနဲ့ကလေးသူငယ်တွေအတွက်ဒီ ၁၆ ရက်တာလှုပ်ရှားမှု့ကာလအတွင်းမှာရန်ပုံငွေရှာဖွေရေးအတွက်ကလေးသံအမတ်တွေနဲ့ သစ်သားလက်လုပ်ပစ္စည်းရောင်းချတာတွေအွန်လိုင်းကနေတဆင့်ကလေးသံအမတ်တွေကစျေးရောင်းချတာတွေပြုလုပ်သွားဖို့ရှိနေတယ်လို့လဲသိရပါတယ်။
"ခုကျမတို့ရဲ့ကလေးသံအမတ်တွေက မြန်မာပြည်က ကလေးတွေကိုယ်စား နိုင်ငံတကာသိအောင်အသံတွေထုတ်ပေးနေပါတယ်၊ ပြီးတာ့ကျမအနေနဲ့ဘယ်ယောကျာ်းလေးပဲဖြစ်ဖြစ် ဘာတာဝန်ပဲထမ်းဆောင်နေနေမိန်းကလေးတွေကိုညှင်းဆဲတာတွေမုဒိန်းကျင့်တာတွေမလုပ်ဖို့ပြောချင်တယ်လို့"မတင်မမဦးကဆက်ပြောပါတယ်။
ဒီကနေ့နိုဝင်ဘာ၂၅ရက်နေ့မှာကျရောက်တဲ့ကမ္ဘာလုံးဆိုင်ရာ"အမျိုးသမီးများအပေါ်အကြမ်းဖက်မှုပပျောက်ရေးနေ့"မှာနိုင်ငံရပ်ခြားကမြန်မာတွေပြည်တွင်းကပြည်သူတွေကစစ်အာဏာရှင်လက်အောက်မှာအတိဒုက္ခရောကနေတဲ့အမျိုးသမီး၊ ကလေးတွေအပါအဝင်လူတန်းစားပေါင်းစုံအတွက်တိုက်ပွဲဝင်ကမ်ပိန်းတွေပြုလုပ်နေကြပါတယ်။
ဒီ၁၆ရက်တာလှုပ်ရှားမှု့မှာပါဝင်မယ့်သူတွေအနေနဲ့
(၁) ဖဲကြိုးဖြူလေးများကို ဘယ်ဖက်ရင်ဘတ်တွင် တပ်ဆင်ထားပြီး လက်သုံးချောင်းထောင်ကာ ဓာတ်ပုံရိုက်ပါ။
(၂) ၄င်းဓာတ်ပုံလေးများကို ဆိုရှယ်မီဒီယာတွင် အောက်ဖော်ပြပါစာသား၊ hashtag လေးများဖြင့်တင်ပါ။
ပုံနှင့်တွဲတင်ရန်စာသား
နိုဝင်ဘာလ (၂၅)ရက်နေ့မှ ဒီဇင်ဘာလ (၁၀)ရက်နေ့သည် ကမ္ဘာနှင့်အဝန်းတွင် နှစ်စဥ်ကျင်းပလေ့ရှိသော ၁၆ရက်တာလှုပ်ရှားမှု ကာလဖြစ်ပါသည်။
ကျွန်တော်/ ကျွန်မ သည် ပြည်သူ့တော်လှန်ရေးတွင် ပါဝင်ဆင်နွှဲနေသော ဒီမိုကရေစီလိုလားသည့် ပြည်သူတစ်ဦးဖြစ်သည် နှင့်အညီ နိုဝင်ဘာလ ၂၅ရက်နေ့တွင် ကျရောက်သော အမျိုးသမီးများအပေါ်အကြမ်းဖက်မှုပပျောက်ရေးနေ့တွင် အမျိုးသမီးများအပေါ် အကြမ်းဖက်မှုများကို ကိုယ်တိုင်မကျူးလွန်သည့်အပြင် ယင်းအကြမ်းဖက်မှုများလျော့ကျသွားစေရန် တစ်တပ်တစ်အား ပါဝင်ကြိုးပမ်းပါမည်ဟု ဖဲကြိုးဖြူကမ်ပိန်းတွင်ပါဝင်ခြင်းဖြင့် ကတိကဝတ်ပြုပါသည်။ ဆိုတဲ့အချက်တွေကိုဆောင်ရွက်ပေးရမှာဖြစ်ပါတယ်။
